Tamır olaraq Qırımtatarım. Lâkin 1944ten berli Qırımtatarlarnıñ sürgüni sebebinden ruslaşqan Qırımda büyüp öskenim içün 

Anatilim Rusçadır.

Vatandaşlıq, itiqat ve yüregime köre Ukrainim. 2014ten berli qalbim qanay ve Rusya bu qanamanıñ esas sebebidir.

Rusya Imperatorlığı, Sovetler Birligi, Rusya Federasyonu bu farqlı isimler taşığan aynı belâ ve marazdır.

18ci asırnıñ ilk işgalinden soñra soylarımnıñ eksiriyeti Qırımdan Türkiyege qaçmağa mecbur oldular.

Sovetler birliginiñ sürgüni sebebinden bita ve qartbabama  adını ruslar tarafından Belogorsk qoyğan doğmuş Qarasubazarda tanış olmağağa fırsat olmadı.

Olar 1944te 15 yaşındaki ösmürler Ural dağlarında ırğat kibi dağ piçmege mecbur oldular.

Sovetler birliginiñ oğruna anam Uralda men ise Tacikistanda doğdum, çünki Sovetler dağılmasına qadar Anavatanımız Qırımğa qaytmağa ruhsat berilmez edi. 

Tamam Sovetler Birliginiñ yapqanı meni ruslaşqan Qırımda östürdi ve alâ bugün Ana tilimde lafetmege tırışqanda ağızımdan deşetli aytılış yañğıray.

Sürgünden evvel Qırımda milletine baqmadan er kez Qırımtatarca laf ete eken ve Rusça bilgenler aman aman yoq edi.

Rusya Federasyonı 2014te meni Qırımnı terk etip Kiyivge köçmege zorladı.

Rusya Federasyonıñ işgali menim eñ parlaq yıllarımnıñ zevqini yaşamaq yerine 2014ten berli başıma kelgen depressiyalardan azap çekmege mecbur etti.

Lâkin Qırımda yaşağan isnanlarğa köre fikirlerimni serbestçe ifade etmege imkânım bar. Ve bir çoq Ukraynalılarğa köre sağ-selametim.

Bu künü insanlarnıñ sürgün qurbanlarınıñ anıp toplanağanları böyle vahşetlerniñ artıq tekrarlanmaması içün keçirile.

Lâkin “Asla tekrarlanmasın” şiarına baqmadan her kün Ukraynalılar elâq olğanda biz tek çoqtan ölgenlerni mi hatırlamaq kerekmiz?

Ğarpta “Bütün epsi Ruslarnı qabatlamaĝa olmaz” yada “Ya Rus edebiyatı, baleti, muzıkası?” Kibi sözlerni eşitem.

Mesele böyle:

Rys dünya baqışı insannıñ qanı ve tamırlarınen bağlı degildir.

Rus dünya baqışı bu bir fikir yaratma usulı ve yaşama tarzıdır.

Rus dünya baqışı qatliam ve hırsızlıqnı tabiyleştirmektir.

Rus dünya baqışı masum insanlarnıñ ayatı ve mülküne el qoyıp olarnıñ evlerinde yaşap vicdan azabı çekmemektir.

Rus dünya baqışı Halqara uquqnı bozup butün anlaşmalarğa qulaq asmamaqnı tabiyleştirmektir.

Ve niayet rus dünya baqışı tek yumruq tilinden añlamaqtır.

Bu cenk köstere ki milletine baqmadan butün dünya Ukraina vatandaşları beraber olmalılar

Quvvetimiz beraberlikte. 

Bir olayıq. Beraber olayıq.

Millet. Vatan. Qırım.

‍

‍