Bunı Qırımdan tış az adam bile, lâkin yarımadada er kes bile: turist mevsimi tek yaz tatilleri degil de, qış tatilleridir. Rojdestvo bayramında adamlar mında Yañı yılnı deñizde qarşılamaq içün keleler ve dağlarda lıjağa çıqalar. Bu qış ne qadar raatlanğan adam keldi ve yazdan ne beklemek mümkün – Qırım turoperatorları neticeleyler ve prognozlar yapalar.
«Turist aqımınıñ eki fayızğa artması», - dep, Qırımnıñ Kurort ve turizm nazirligi Moskvağa şeñliknen haber ete, körüne ki, teşviqat matbuatına öz muvafaqiyeti aqqında haber etmeyip. Ve yerli radioda «Turist alyansı Krıma» assotsiatsiyasınıñ icra müdiri Svitlana Vozna itiraf ete ki, keçken senege köre, daa az adam keldi.

— Üçte birine yaqın, — dep qayd ete Sudaqtaki bir ötel kompleksiniñ saibi. «Âñı yıl bayramlarına men endi on yıl devamında müşterilerniñ skeletini şekillendirdim. Episi nasıl başlandı (tolu ölçüli basqın - Red.) - bazıları kelmege toqtadılar, soñra başqaları. Ve bu yañı yılğa ötelniñ yarısı tek yerli, onıñ üzerinde çoq para qazanmazsıñ», — dep şikâyetlene ötelci.

O, turizm sanayınıñ aşağı tüşüviniñ sebebini Qırım asılında cenk meydanına çevirilgeninde köre. Şunıñ içün de raatlanğanlarsız yarımadanıñ ğarpı ayrıca kederlidir.
— Kim mında baracaq, eger deyerlik er gece tek baş üstünde vertolötlar olsa, o vaqıt ava mudafaası güdürdey, o vaqıt dronlar uça. İnternet ve alâqa çalışmay, çünki yaqın yerde «cammerler» çalışalar. Yalığa barıñız - anda ateş punktları, okoplar, patruller bar. Etraf, açıqtan aytqanda, Yañı yıl degil. Kim mında bayram yapmağa baracaq?», – dep açuvlana Kezlev restoranlarından biriniñ hadimleri.

Livadiya sakini teşviqat kanalında turistlerniñ yükselişi sebebinden Keriç köpürinde uzun tıqıntılar peyda olğanı, Yalta yalısı boyunda adamlar nasıl yürgeni aqqında ikâyeni külkünen seyir ete. "Demek, şimdi er bir maşinanı yarım saat devamında teşkereler - qırımlı tıqıntılarnı añlata. - Yaltağa kelgende ise - eyi, bütün Aqmescit mında, resim yapmağa keldiler, çünki anda iç bir şekilde bayram degil." Aynı vaqıtta o, Qara deñizde neft tökülgeni aqqında daa haber berilmegenini qoşa – qışlıq Qara deñizde yüzmege istegenler çoq degil, mazutta quşlarnı seyir etmek ise ruslar içün «atta meraqlı». Lâkin yerli sakinlerniñ yaqınlaşqan yaz mevsimi aqqında iç bir türlü illüziyaları yoq ve ekologik felâketniñ neticeleri yazğace yoq etilecegine işanğan yerli galleyter Serhi Aksönovnıñ optimizmini paylaşmaylar.
— Bizde mazut sebebinden qaç adam yaz tatilinden vazgeçecegini tek şimdi aytmaq içün öyle erte bron yoq. Amma müşteriler menden endi bir qaç kere leke Maloriçkağa barıp yettimi, dep soradılar - demek olar onı bileler ve közeteler. Ne yapacağımnı bilmeyim. Olar tsisternanı tek iyünde köterecekler, mazut ise bütün yaz tübünden tökülecek, dep yazalar. Tolu bir... papuç. Başta koronavirus, soñ şu «SVO», endi mazut. Mevsimsiz beşinci yıl! Ne yapmağa iç de bilmeyim! Taşlar kökten olmağan kibi, mazut da deñizden öyledir!», - dep, Velika Aluştadaki mini-ötelniñ saibi az qaldı ağlay.
Tanker qazası olğan yerde neft mahsulatlarınıñ tökülmesi daa devam ete, bir afta evelsi ise Kezlevde yalı yanında leke endi tapılğan edi. Böyleliknen, yarımadanıñ bütün yalısı şimdi mazutnen «sırlanğan». «Prognoz modelleriniñ shemalarına baqıp, mazut endi Qırım Aqımına kirdi – bu yarımadanıñ bütün yalısı boyunca küçlü turğun aqımdır», – dep añlata coğrafik ilimlerniñ namzeti İgor Vahruşev.
Kurortlarnıñ itibarında neft lekesi çoq vaqıt qalır, deyler belli bir alimler. Zaten, furtuna ve alçaq aqıntılar bir qaç yıl devamında çökündilerni köterecek. Demek, işbirlikçiler tarafından bu sene raatlıqqa planlaştırılğan yedi million turist, büyük ihtimalnen, endi Türkiye ve Gruziyada odalarnı bron eteler, Qırımnıñ deñiz yalısındaki şeer ve köylerniñ ealisi ise, bütünley raatlıq mevsimine bağlı olğan, çette bütünley haraplıqtan.