Birinciden, Milliy Meclisniñ birinci reis muavini Nariman Celâl aqqında aytacaq olam.

Keçken sene, O, Kiyev şeerinde keçirilgen "Qırım platforması" zirvesinde iştirak etken edi. 10 künden soñ Qırımda işğalciler tarafından apiske qapatıldı. Aynı zamanda Qırımda faal vatandaşlarımızdan Asan Ahtem ve Aziz Ahtem ekidoğmuş ağa-qardaşnı apiske mahküm ettiler. Üçüni de, dersin ki, Aqmescitniñ etrafında yerleşke Perevalnoye köyünde terror eylemini teşkil etüvde qabaatlap, eşkencege oğrattılar. Şimdi Rusiye ükümeti Narimannı 19 senege qapatacaq ola.

Mustafa Cemilev. 1991 senesi, ta Sovet ükümeti devrinde, ğayrıdan tiklenilgen Milliy Meclisimizniñ birinci lideridir. Daa bir yaşını toldurmayıp, Stalinniñ rejimi tarafından, bütün Qırımlılar kibi, Vatanından sürgün etiddi. Sovet ükümetine qarşı küreşi 1960 senelerde başlandı. Altı defa apiske qapatılğan edi, soñki defasında, Gorbaçovnıñ "Perestroyka" (Ğayrıdan tiklüv) arifesinde 1980 senesi azat etildi. 303 kün devam etken açlığı Ginnes kitabına kirsetildi. Sağ qalğanınıñ sebebi hormut ile mecburen aşatqanları oldı.

Mustafa agamız çoq yaşasın.

Qırımtatar Milliy bayraq kününi 1990da Türkiye Qırımtatarları derneginiñ reisi Ahmet İhsan Qırımlıteklif etti. Acı künlerimiznen tolu tarihimizni gençler için biraz yengilleştirerek birleştirici bir bayramnıñ peydah olmasın istedi

1970 seneleri, O, Türkiye Büyük Millet Meclisiniñ vekili ve Türizm naziri edi.  Safdaşlarınen birlikte Ankaranıñ ve Turkiyeniñ diger şeerlerinde sağlam Qırımtatar dernekleni teşkil etti. 2011 sensi Ahmet ağamıznı qaybettik.

Refat Çubarov – Milliy Meclisniñ reisi, Ukraina Yuqarı şurasınıñ bir qaç kere sabıq vekili.

2013 senesi demokratik usul ile Milliy Qurultay tarfından doğrudan, açıq ve rekabetçi seçimler yolunen saylanğan birinci Meclis reisidir. Az farq ile ğalebesni qazandı. Onıñ raqibi Remzi İlyasov incinip, 2014 senesi putinniñ işğalcilerine satıldı. Aynı 2014 senesi Çubarovnıñ babası vefat etti, lafta savcı (prokuror) olğan Nâş Mâş Poklonska oña Qırımğa kirmekni yasaqladı ve endi 9 seneden berli öz anasını köralmağan liderimizdir.

Çubarov alçaqgönülli yaşayış keçire, qararından duyğulı, atar-tutar bağırır, lâkin uçun intelektüel ve zemaneviy milletniñ kerçek lideridir.

Lilâ Bucurova – belli qırımtatar siyasetçi, jurnalist, media yapımcı ve samimi Şairdir.

Qırım Muhtar Cumhuriyetiniñ sabıq vekili. 1997 sensi Mustafa Cemilevge muhalefet yaptı. Muhaliflerniñ aydın sesi edi. Meclisni yolsuzluqta qabaatlağanda ispatları keskin pıçaq kibi edi. O zamanları Qurultaynıñ aydut azaları Mustafa ağamızğa yaranmaq içün kürsüde çıqışta bulunğan Lila hanumnı bile  sızğıruv aqaretlerine oğrattılar. Zaman kim ne olğanını körsetti. Ekisi de kerçek edi. Aydutları ve wğan mugalifler ya satıldı ya marjinalleşti. 20 sene keçken soñ ekisi de duşmanğa qarşı ayaqta qala bilmek içün talaşmaqtan vazgeçtiler.

Lilã hanım STB, France press  kibi medialarda çalışaraq Ukrain ve halqara matbuat vastalarında qırımtatar adını tarihke yazğan insandır.

O, Qırımlılarnı Aksyonov basqısından qorçalağan, ümüt etem, kelecekte  bir çoq muhabir, faal ve siyasi vatandaşlarımıznı Ana kibi rus hiyanetluginden qurtarğan bir Insandır. Illerde siyasiy mabüslarımıznıň aqıbetinde onun rolüni ögrenecekmiz. 25 sene devamında başına tökülgen tenqitler ve şimdiki onıñ susması içün kelgen qabaatlarnıñ fiyatını zaman ile ögrene bilirmiz

‍