Tesadüfmi ya da qısmetmi onı bilmemiz imkânsız, amma bir mizahci devlet başı olması Ukraina Büyük Rus küçlerine köstergeni muqavemetini qıyaslamaq içün

Putin prezidentiniñ yapacağı bir benzetme ola bilir edi. Bir çoq Ğarp ükümetleri açıqtan ifade etmeseler de, amma buña oşağan yani ayuv avınıñ imkânları aqqında tüşünceler mevcut edi. Lâkin Rus işğalcileriniñ qabarcılıqta batqan beceriksizligi, Ukraina devletiniñ cesareti ve keşfiyatçılığı qarşısında, işgalin ilk dalğasını yeñmekte sebep oldı. 

Lâkin, prezident Zelenskiyniñ çevresinde onı desteklegen taqım teşkil olundı ve Ğarp liderleri bir qaraman ile körüşmek onıñ ile resimge çıqmaq, etrafında bulunmaqtan, dersin, yarışmaqtalar. Ancaq, Ukrainağa destek köstergen devletler arasında cenkniñ nasıl bite bilecegi aqqında añlaşamamazlıqlar devam etmekte. Bir çoqları içün böyle añlaşamamazlıqlar esasınsa birinci dalğada elde etilgen zaferler beklenilmegen imkânlar açtı ve bundan kâr çıqarmaq istegenler de oldı.Bu farklılık tabiy bir aldır ve bu vaziyette Şarqnıñ zorbaları ise bunı Ğarpnıñ zayıflığı ve zevallığınıñ sebebi kibi köre. Devamlı cenk Ğarp saylavcılarnıñ iqtisadiy yükleri ziyadesinen artmasına sebep olğanı pek yahşı añlağan ğarp siyasetçileri yaranmaq içün cenkniñ tezce bitmesini arzulaylar. Ayrıca, yerli bir muarebe insanlıqnı sopa ve taşlarnen cenkleşmek alına butün dünya savaşına yol açmasını kimse istemez.

Ukrainadaki Şimdilik Vaziyet 

İlk saldırınıñ muvafaqiyetsiz olğanına köre, Rus ükümeti küçleri sıñırlı olğanlarını qabul etmek mecbur old ve cebedeki imkânlarnı mümkün olanı qadar qısqaltmaq mecbur oldı. Rus arbiy küçleri şimalden ketip Kiyev ve çevresinden ayrılıp Donbass bölgesinde küçlerni ve askerlerni toplapdı. Nezareçilerniñ fikrine köre, böyle areket ile bölge bir kıyma maşnasına çevirildi. Cenüpte cenk meydanını eksiltmek imkânsız olğanına köre, yañı saldırım içün ise toplanğan küçler yetersiz olğanı içün, Rus ordusı teminat noqtasına daa yaqın olğan şarqta esaslanğan. tabiy olara Ukraina duşmanlarnıñ böyle zayıflığınen faydalanıp Kharkiv ve Mikolayın şeerlerge qarşı saldırılar azırlamaqta. Ukraina arbiy küçleri işğalcilerniñ işini baya boza, amma bu inanması zor olğan qarşı turuşqa baqmadan, Ukrainanıñ bir bölgesi Rusiye tarafından alındı. Cenkni topraqlarnı ğayıp etmeyip bitirmek içün Ukrainanıñ evelki, 2014 senesi olğan sıñırlarnı qaytarılmasına ıntılmaq kerektir. Prezident Zelensky bunu 2022 yılınıñ soñuna qadar kerçekleştirmek niyetini bildirdi. Bazı mütehassıslar bunıñ ola bilmesi içün ihtimaller bar olğanın deyler, ancaq piyade ve uzun mesafeli topçu destek gruppalarınen bir sırada dahil olmak doquz ağır brigadanıñ barlığı zarur. Bu ise Ğarpnıñ tarafından desteklemek maqsadınen muim arekenler yapılması kerekligini añlata. 

Ğarpnıñ noqta-i nazarı 

Avropa memleketlerniñ çoqusı ve ABD Ukrainağa destekleri aqqında aytqan ediler, arbiy ve maliyeviy yardımını vade etken ediler, amma, ğaliba, arbiy yardımı keç qala. Keçikmeniñ sebepleri qısmen askerlerniñ kerekli azırlanuvınen añlatıla. Diger taraftan ise, tamamınen ola bile, ğarp ittifaqdaşlarlarnıñ bazıları bu çıqmaz vaziyetinde barışıq añlaşmanı tizmek imkânını köreler, ve bu añlaşma Donbas ve Qırımnıñ ğayıp etilüvi olacaq, amma regionğa bazı bir istiqrar ketirecek. 

Rusiye tarafından taqip etilgen ve buña qarşı çıqqan qırımtatarlar içün böyle mevamı, esasen Qırımnıñ Rusiyege qaldıruvı, Avropa tarafından büyük hainlik olaraq sayılacaq. 2014 senesinden 22 areketçi tutıp esir etildi ya da ğayıp oldı. eñ azdan 18 qırımtatarlar qıynalğan edi, 30 biñge yaqın insan yarımadadan ketmege mecbur oldılar. 

Bayağı qırımtatarlar apis etildi ve esassız ve uydurma qabaatlavlar ile maküm olundılar. Yaqında 37 yaşlı qırımtatar aktivisti, Qırımdaki mektepleriniñ birisinde beden terbiyesiniñ ocası Emil Ziyadinov 17 yılğa azatlıqtan marum etüvine maküm etildi.  60 yaşlı qırımtatar siyasiy mabüsi Cemil Gafarov, zayıflaşayatqan sağlığına baqmadan tibbiy yardımsız tutula. 

Ükümler vatandan uzaq, Rusiyede yerine ketirileler. Ğarp añlamaq kerek ki, regiondaki sulhi – bu maqsad degil, bu Ukrainada yaşağan bütün insanlarnıñ azatlığı ve amanlığını imaye etüviniñ vastası. 

Rusiyeniñ noqta-i nazarı 

Rusiyeniñ noqta-i nazarı bugünki künge "Yüzükler ükümdarı" romanınen ilhamlandırılğan. Terror, yağmacılıq, askerlerge ve grajdan insanlağa saylanmasız tecavuzlar – olar içün bu normal bir şeydir. Ğarp öz birligini köstergen – BMT reisiniñ ziyareti olsa, ya da G7 sammiti olğan vaqıtında, Prezident Putin arbiy nişanlarnıñ mağlübiyetke oğratıp olamayıp, esas şeerleriniñ bombardıman etüvinde ve tınç insanlarnıñ öldürüvinde öz qatiylikni köstere. 

Rusiye prezidenti Sauron obrazını nazlanğan vaqıtında, rusiye askerleri işğal etilgen ukrain yerlerini suvutqıçlardan ve çamaşır yuvğan maşnalardan boşattılar, yuqarıda turğan ofitserler ise ukrain boğdayınıñ hırsızlanuvını teşkil eteler. Bundan añlayışlı ola ki, ne içün ukrainliler rusiye ordusına "ork ordusı" adını berdiler. Bundan ğayrı aqrusiye ordusınıñ Rusiye tarafına celp etüvi boyunca iş devam etmekte ve bunı ömürge keçirmek içün Aqrusiyege uzun avlaqqa urğan raket batareyalarnıñ ve cenkâver samolötlarnıñ ketirüvinen yapıla. 

Zemaneviy ittifaqdaşlarnı beklegen telüke 

Ğarp ruhsetsiz kirüvine izçen muhalifetini yapıp olamazlığına prezident Putin içün esas stimul olğan edi. Birinnci baqıştan, ebet, Ğarp iqtisadiy sanktsiyaları ve arbiy yardım vadelernen çıqışta bulundı, amma sözleriniñ ömürge keçirilüvi ağır ketmekte ve bu olarnıñ  keskinligi aqqında añlayışılmay signalını bere. 

Bu ise prezident Putinni onıñ birinci farzı doğru olğanı fikirinde inandıra.  Bundan da ğayrı, bugünki sanktsiyalar, ğaliba, ruslarğa degil, ğarbiy cemiyetine çoqça zarar ketire. Ruslar ise, ğaliba, liderleri memnün olğanı içün yaşaylar. Bundan da ğayrı, devlet propaganda yardımınen olar bu davada Üçünci dünya cenki başlanğanını köreler ve bütün qıyınlıqlarğa ve marum etüvlerine azırlar. 

Aqıl ayta ki, cenk tezce bitmek kerek, amma tecavuz içün mukâfat – yañı yerleriniñ zapt etilüvi Rusiyege tek destek berecek. Böyle razılaşmanıñ imkânı, yañı kerilemelerni qazanmaq içün Rusiyeni bu davanı daa çoqqa uzatmaq mecbur eter edi. 

Qaviy tınçlıqnı qazanmaq içün yekâne imkân – rus ordularnıñ yeñilmesidir. Bu içün doquz ağır mehanik brigadaları ve destek etüvi içün diviziya – silânı Ğarpta yapıp, Ukrainağa ketirmege - mecbur. 

Bu cenk vaqıtınıñ iqtisadiyatını ve sanayını cenk çıtayına keçirilmesini talap etti, demek, Ğarp Üçünci dünya cenkinde endi iştirak ete ve özek konfliktindan ketmek içün imkânları - aqiqatnı qabul etmek ve qarışıq signallarınınıñ berüvini toqtatmaqtır.