Sergiy Hripunnı saban aynıñ 24 Zaporojyedeki Nove köyünde hırsızladılar. Bu mesken yerni rusiyeliler miqyaslı ücüminiñ ilk saatlarında işğal ettiler. 

47 yaşında olğan Sergey, Orihiv şeerinde yaşay edi. Novege ise - ugut aynıñ 22 kelgen, yerli koy hocıq iş hanesinde qaravul olıp çalışa edi. İşğal vaqtında onıñ evinde kadırovcılar yerleşkenler. Hripun ve daa eki hadimini reine olaraq aldılar. Ay içinde adamlar işte yaşay ediler, çünki işğalcılar territoriyanı terk etmege yasaq ettiler. Saban aynıñ 24 Sergey, evge telefon etip işğalcılar köyni terk etkenlerini ve tez vaqıtta evge qaytacağını haber etti. Eki saat soñra kene de telefon etip işhanege kadırovcılarnen qaldırılğan tehnikasını ve aşını almaq içün başqa rusiyeliler kelgenini aytqan. 

O vaqıttan beri Sergeynen bağı ğayıp olğan. Keççe işhaneniñ reberi közetüv kamerasından kadrlarnı körgen, anda rusiyeliler onıñ üç hadimini teşkerip kamazğa oturtalar ve belli olmağan yönelişte alıp keteler. Çiçek aynıñ 29 Hripun ailesinen deñişüv neticesinde evge qaytıp olğan esiri bağlanıp Sergey Rusiyede, Kursk şeerindeki taqiqat tevqifhanesinde onen bir kamerasında oturğanını tarif etti. Ukrain mabuslarnı bütün belli usullar ile hor köreler: yahşınaşatmaylar, eskencelerge oğratalar ve şiddetli tarzda uralar. Sergeyniñ bütün qaburğaları parlanılğan, alı ağır. 

Keççe Qırmızı Haçtan aile şunı bildi ki, Sergey Hripunnı, Ukraina grajdan vatandaşını rusiye tarafı, arbiy esirlerniñ cedveline kirsetti. Bunıñ sebeplerini rusiyeliler aytmaylar. Eskenceler aqiqatını red eteler.